Yohanes 5: 1-8

BAHAN SERMON KHOTBAH MINGGU JUBILATE, 12  MEI  2019

Yohanes  15 : 1 -8

Pendahuluan:

Injil Yohanes memiliki cara yang unik dalam menyampaikan dan memperkenalkan Yesus dan pengajaranNya. Injil Yohanes memuat banyak pernyataan-pernyataan Yesus dalam hal menyingkapkan siapa diriNya. Pernyataan langsung Tuhan Yesus dalam Injil Yohanes tentang DiriNya yaitu: Ia adalah Roti Hidup (6:35), Ia adalah Air Hidup (7:37), Ia adalah Pintu (10:9), Ia adalah Gembala yang baik (10:14), Kebangkitan dan Hidup (11:23), Pokoka yang benar (15:1). Semua itu disampaikan oleh Yesus untuk mengungkapkan siapa diriNya dan apa misi yang sedang Dia kerjakan. Salah satu dari pernyataan Yesus tersebut menjadi bahan kotbah hari minggu yaitu “Akulah pokok anggur yang benar”.

Penjelasan:

1. Yesus adalah pokok anggur yang benar. Perkataan ini bukanlah sesuatu yang sulit untuk dimengerti dan dipahami oleh para murid, walaupun menyampaikannya dengan gambaran atau kiasan. Mengenai anggur, pohon, ranting, buah dan cara pemeliharaan bahkan kegunaannya murid-murid itu semua tau. Sehingga perkataan itu sebenarnya bukanlah hal yang asing bagi mereka.

2. Allah Bapa-lah sebagai pengusahanya.Sebagai pokok anggur yang benar Yesus memperlihatkan hubunganNya dengan Bapa di Sorga. Hidup dan kehidupan seturut dengan yang dikehendaki Allah Bapa. Kesatuan Yesus sebagai Anak Allah tidak dapat dipisahkan.  Hubungan pokok anggur dengan pemiliknya dipakai Yesus untuk menjelaskan kesatuanNya dengan Bapa di sorga dengan menyebut Dia sebagai pokok anggur dan Allah Bapa sebagai pengusahanya.

3. Jadilah menjadi ranting-ranting yang benar. Yesus melanjutkan pernyataanya dengan mengatakan  bahwa murid-muridNya adalah ranting-rantingnya. Yesus sebagai pokok, Allah Bapa sebagai pengusaha dan murid-murid sebagai ranting. Ia menegaskan bahwa setiap ranting yang tidak berbuah akan dipotong dan dibuang dan yang berbuah akan dibersihkan. Yesus mengingatkan bahwa para murid untuk dapat menghasilkan buah dan ketika itu terjadi maka akan dibersihkan dan dipelihara dengan harapan dapat berbuah lebih banyak lagi.

4. Orang yang tinggal di dalam Kristus dan Kristus di dalam dirinya itulah yang dapat menghasilkan buah yang banyak. Yesus hanya menggolongkan 2 jenis ranting, yaitu yang tidak berbuah dan yang berbuah. Yesus mengajarkan bahwa seseorang dapat berbuah kalau tinggal dan melekat kepada Yesus sebagai pokok anggur.  Sebagai ranting seharusnya harus melekat ke pokok sehingga bias berbuah karena segala nutrisi yang diperlukan untuk pertumbuhan dan untuk buah hanya dapat diperoleh dari pokok itu sendiri. Tinggal di dalam Aku dan Aku di dalam kamu menunjukkan relasi dan hubungan  yang harus ada untuk dapat berbuah. Yesus sangat tegas berkata bahwa berada di luar diriNya seseorang tidak dapat berbuah.

Ido HataNa tu angka siseanNa naparjolo i, laos I do HataNa nuang tu angka naporsea tu Ibana. Lao patangkashon hasisintong ni hinaringkot ni na mianhita dohot Ibana, digombarhon marhite namandok ia hita on ranting ni hau Anggur do, Ibana hau anggur I jala DebataAma I tukang porlak anggur I namanggotap ranting na so marparbue, jala paiashon ranting namarparbue asa lam ganda parbuena. Molo ndang mian hita rap dohot Ibana ndang marparbue hita songon ranting I na so marparbue ianggo sian dirina, ingkon na sada do ranting I tu bona ni hau anggur i. Songon siseanNa hita, songon angka naung pinauliNa hita, songon angka naung pinarbadiaanNa hita ingkon marparbue do hita.  Asa boi hita marparbue jala marparbue na godang ingkon mian do hita rap dohot Ibana. Na ringkot di hita dalanta laho parbarbue lehononna ma. Gabe marsangap ma Ama I sialani parbuenta I di jolo ni angka jolma di humaliangta

Aplikasi:

1. Taida jo tu pudi di pardalanan ni ngolunta. Nungga halak Kristen na marparbuehon parbue nadenggan hita ?  Parbue na denggan I boi do marragam rumangna, isarana: adong do sada, dua manang bahat jolma diportibi on naung tahobasi denggan, asa dumenggan ngoluna, asa dapotan ngolu-ngolu ibana, asa pistar ibana,asa termotivasi ibana patupa na denggan di ngoluna, dna naboi patupaonta. Ala angka naung ditobus Jesus, angka ranting naung pinaiasNa do hita,di arop do sian hita parbue na godang, jala dipatau do hita marparbuehon parbue na godang,ala manang aha natapangido tu Ibana jumpang hita do.

2. Boasa ditingki minggu Jubilate on dipilit jamita taringot tu hinaringkotta mian rap dohot Jesus ?  Asa marparbue hita, jala molo so mian ndang marparbue hita. Ala di partingkianta sisaonnari di haringkothon portibi on do angka parbue ni ngolu nang haporseaon ni angka siihuthon Jesus mangurupi hajolmaon mangadopi parungkilon di portibi on. Dua do sialani pamujionta tu Debata nuaeng, ima: parjolo ala nungga marparbue dohot marparbue na godang ngolunta nang hasiseanonta songon sisomba dohot siihuthon Jesus. Alai napaduahon ima ala asi dope roha ni Debata tu hita, olo dope Ibana manalpuhon angka hahuranganta di bagasan Jesus Kristus Tuhanta i. “Martua do halak na disesa Debata dosana”. Margogo ma hita angka sisean ni Jesus Kristus di portibi on  jala Marjubilate ma hita ala diparar Debata dope hita patupa I sude. Alai ndang tarbahen hita  I molo so mian rap dohot Jesus Kristus.

3. Yesus sebagai pokok anggur yang benar dan kita adalah rantingNya”. Ranting yang terpisah dan lepas dari pokok/batangnya tentulah ranting itu akan layu dan menjadi kering, apalagi untuk berbuah adalah suatu yang mustahil. Yesus menjamin hal itu pastilah kita tidak dapat berbuah apa-apa jika terpisah dari Dia. Ada begitu banyak penyebab yang berusaha membuat kita terpisah dari Yesus.Iblis pun tidak menginginkan kita boleh hidup tetap terpaut kepada Kristus. Karena itu marilah kita senantiasa menjalin hubungan yang merasa dengan Tuhan Yesus, dengan mendengar FirmanNya dan mau melakukan kehendakNya, membangun terus persekutuan melalui ibadah, doa dan penyembahan maka tidak ada kuasa lain yang dapat mengambil kesempatan untuk memisahkan kita dari Dia. Layu, kering bahkan mati itulah gambaran ranting yang terpisah dari pokok/batang karena ranting tersebut tidak lagi menerima zat/nutrisi yang dia perlukan. Demikian juga hidup orang yang terpisah dan jauh atau berada di luar Kristus akan mengarah dan menuju kepada penghukuman dan kematian. Karena jaminan dan kepastian hidup kekal hanya ada pada Kristus. Amin.

Psalmen 4: 2-9

BAHAN SERMON MINGGU MISERICORDIAS DOMINI, 01 MEI 2022

HKBP DISTRIK XVI HUMBANG HABINSARAN

TOPIK : MARHAPOSAN TU JAHOWA MA HAMU

EV : Psalmen 4 : 2 – 9

Patujolo

Marhite Psalmen bindu 4 on ima sada sungkunsungkun taringot tu hadirionta saluhutna, boha do molo ro angka parungkilon nang hamaolon na taadopi lumobi ma molo marudut-udut ro hamaoloni, isarana marhite parsahiton, parsirangan ni pamatang, parange ni angka ianakhon, kecelakaan, dna. Pintor tudia do hita mangalu-alu? Alusna ingkon marhaposan hita tu Jahowa, ai holan di bagasan Ibana do jumpang alus sian angka hamaolon na taadopi. Unang marhaposan hita tu jolma di portibion, ai ndang adong alus na pasti sian saluhutna, alai ingkon mulak do hita tu Debata jala unang ma tapangasahon pingkiranta, ai pingkiranta i pe terbatas do gogona, dibahen i ingkon mulak do hita muse tunampunasa gogo na so terbatas ima Tuhanta Debata. Ido umbahen na didok di Poda Raja Salomo 3:5 “marhaposan tu Jahowa ma ho sian nasa roham jala unang marpangunsadean ho tu pingkiranmu sandiri”. Jala didok Jesus do tu hita “Ro ma hamu tu Ahu, hamu angka na loja jala na sorat, asa hupasonang hamu. Jangkon hamu ma augangKu, marguru ma hamu tu Ahu, ai na lambok do Ahu jala na serep marroha, asa dapotan hasonangan tondimuna. Ai na lambok do augangKu jala neang do dohot na hupaposanhon (Mat. 11:28-30)”. Pos rohanta molo nunga Debata na gabe haporusanta i, hasonangan do gabe jambarta ganup halak namarhaposanjala manghaporseai Jahowa, dingoluna ndang tagamon ibana maporus. 

Hatorangan ni Turpuk

Marhite turpuk Jamitaon dapot do botoonta paboa masa do hagogotan dingoluna (ay. 2) laos jongjong muse musu/jolma na so manghalomohon ibana na patupa angka na so patut tu ibana (ay.3,7). Dihatindangkon Raja David do ingkon marhaporusan ibana tu Debata, ndada tu debata na asing, debata sileban. Di ragam ni hamaolon na ro tu ngoluna marudut-udut ima dipalea-lea halak pola hera gea na so margellok di hilala ngoluna, terancam ngoluna hinorhon ni angka musuna, hansitan pamatangna gabe hira na tangging holi-holina jala songon pantis na malala ate-atena di bagasan, dna (Psalm 22:7-19). Di ragam ni hamaolon na marganti sorin i, marungkil do Raja David dihaporseaonna, alai ndang gabe talu ibana, ndang ma dabu tu pandelean dungi gabe ditinggalhon Debata laho manomba debata sileban. Alai dipatulus do tangiangnanang rohana nang haporseaonna tu Tuhan i. dibagasan pos ni roha do ibana pasahat tangiangna ndang tu angka musu i dohot tu pambahenan na jat i gumodang pingkiranna, alai holan tu Tuhan i do. Ai naeng disungguli nang roha ni angka parjahat i asa marhamubaon asa unang sai mardosa, asa nang nasida olo rot u Tuhan i. Alani umbahen na didok “Pelehon hamu ma pelean hatigoran, jala marhaposan tu Jahowa ma hamu (ay. 6). Ditingki dipapeak ibana dagingna dipodomanna, disi ma lam dirimangi ibana pandonganion ni Debata dingoluna. Marhusari roha dohot pingkiranna lam dipingkiri ibana marningot pambahenan ni Debata tu ibana i, lam bagas ibana marnida denggan basa ni Debata dibagasan ngoluna. Ido umbahen talup ibana mandok, “Marhasurungan do di bahen Jahowa angka hasianna, matua ditangihon Jahowa do, molo hu jou Ibana” (ay. 4). Pangalaho na pinatudu ni parPsalmen on paingothon hita asa tongtong pasahathon dirinta tu Debata. Di atas segala pergumulannya ada Tuhan yang berkuasa sehingga penyerahan diri kepada Tuhan adalah sikap yang paling tepat.

Di tingki hita mangadopi angka parungkilon, pergumulan, parsahiton tarlumobi molo adong na rundut jala borat di pingiranta, di deba halak gabe maol situtu do modom. Angka halak na maol modom boi do  mangorui hahipason, boi do gabe ro ragam parsahiton. Secara umum para ahli sepakat bahwa orang dewasa memerlukan sedikitnya 7 jam sehari untuk tidur kalau mau sehat. Istilah dengan sesama muda/i najolo ada istilah MPR (Modom Pintor Renges). Apakah Raja David karena hidupnya sedang enak tidak mengalami penderitaan atau tidak ada kesulitan hidup? Ndada ala so adong hamaolon diadopi ibana, ragam do angka na borat parungkilon diadopi ibana, boi do ibana nok modom. “Sonang do ahu hupapeak huhut mamintor nok (ay. 9)”. Marungkil si tutu do ibana alai ndang talup parungkilon na borat jala na sorat i manirang ibana sian Tuhan i. tongtong do ibana marsiranggut dohot Debata disaluhut na masa i, tongtong do marhaposan ibana tu Tuhan i. Ido na patar tarida marhite tangiangna di turpuk jamita on. Sai dihaporseai ibana do Tuhan i hatigoranna jala marhasurungan do ibana dilehon Debata. Ndada alani ginjang ni roha umbahen na didok Raja David songoni, alai ala pos situtu do rohana na ditangihon Jahowa ibana jala ramotanNa. Nang pe lan do angka na mandok “tung ise ma manumpakkon angka na denggan tu hita? (ay. 7). Ndada tu parungkilon tu angka sibahen na jat i, tarlumobi dilehon Raja David roha nang pingkiranna. Tutu sahat do tu pingkiran alai ndang lohot si tutu jala ndnag mansai bagas mandondoni ibana saluhutna i. alai tu asi ni roha dohot pasu-pasu ni Tuhan dohot pingkiran nang rohana gumodang do tusi tertuju roha dohot haporseaonna, ai pos do rohana buas do lehonon ni Tuhan i pasu-pasu tu angka na ni asianNa ima na marhaposan tu Ibana. Alani ido umbahen na tangkas dihatindangkon Raja David, gumodang do las ni rohangku, dilehon Ho, sian di nasida di hamamasa ni gotilon eme dohot anggur na gabe situtu (ay. 8).

Sipahusorhusoron

Pos ni roha songon Raja David on ma sude angka na porsea, naeng patau hita boi sonang, ndang ganggu pingkiran nang rohanta, gabe demak ma rohanta gariada tahe sinok ma hita modom. Ndang modom Tuhan i, di boto do saluhutna na masa dingolunta. Di boto do parungkilonta nang panghirimonta, diboto hagaleonta, diboto do saluhutna. Ndnag modom Tuhan i, tongtong do Ibana manjaga jala mangaramoti hita. Alani i ndang adong manang aha pe namambahen hita mabiar manang holsoan, ai adong do Tuhan i jala gok do huasoNa mamasumasu hita.

Di jouhon do tu hita asa marhaposan tu Debata, unang tu pingkiranta dohot gogonta sandiri manang dongan jolma. Parsatongkinan do ia hagogoan di portibion. Alai molo hagogoon ni Debata ro di saleleng ni leleng na do. Ibana do na tuk paluahon hita sian parsorionta sian pardangolanta ala ni dosanta. Nunga ta jalo be haluaon i, holan ala asi ni rohaNa. Naeng ma tahamauliatehon marhite-hite haporseaon dohot hamubaon ni rohanta, dipangalahonta siapari, songon goar ni Minggunta “Misericordias Domini” na marlapatan “Gok  Asi Ni Roha Ni Jahowa Taon on”. Tutu hot do asi ni roha ni Debata ai sude partingkian dingolunta, marolop-olop ma hita tongtong mamuji asi ni rohaNa naung binasa basahonNa tu hita. AMEN

Jesaya 40: 27-31

BAHAN SERMON JAMITA DI MINGGU SEXAGESIMA, 07 FEBRUARI 2021

JESAYA 40: 27-31

“JAHOWA DO HAGOGOONTA”

PATUJOLO

Bangso Israel di turpuk jamita on ima bangso na pinillit ni Jahowa jala mian di tonga sitaonon na mansai hansit dihilala nasida. Alai ro do hata bagabaga dohot apulapul sian Jahowa marhite naposo-Na taringot tu haluaon na binahen ni Jahowa, Debata ni Israel. Jesaya na marlapatan Jahowa do na paluahon. Marhite goar ni si Jesaya on patar ma tarida taringot huaso dohot hamuliaon ni Jahowa jala angka ulaon na pinatupa ni Jahowa tu bangso na niasianna. Turpuk jamita on ima buku ni Jesaya na masuk tu horong Deutro Yesaya (buku Jesaya na paduahon, bindu 40 - 55) ima na marisihon taringot bagabaga haluaon na pinatupa ni Jahowa tu bangso Israel marhite naposoNa. Uju i bangso Israel talu dibahen bangso Babel, jala torop do halak Israel na tarbuang tu Babel. Habuangan na masa tu bangso Israel sada sangkap haluaon na pinatupa Jahowa. Habungan na masa tu bangso na pinarhamaol ni Jahowa on ima uhuman hinorhon ni dosa ni bangso i. Nang pe di status habuangan bangso i, alai ndang na gabe sude halak Israel hansit manang bernit panghilalaanna hinorhon ni i. Ndang na sude halak Israel gabe songon hatoban di habuangan, nang pe ndang boi diparsoadahon na adong halak Israel na hansit jala bernit panghilalaanna hinorhon na masa di ngoluna, isarana haraparon na songgop di bangso i. Sitoanonon na mansai dokdok dihilala bangso Israel ima hamagoan hadirion gabe sada bangso (kehilangan ideologi dan eksistensi sebagai suatu bangsa). Nunga tarulang tembok Jerusalem dohot bagas Joro ni Jahowa, inganan na badia, jala parmianan ni Jahowa di bangso i pe nunga marongso jala sega.

HATORANGAN

Marhite turpuk on, tangkas do ro Jahowa, Debata ni Israel i mangalehon bagabaga haluaon tu bangso i, jala patuduhon tung so boi do dibatasi huaso dohot gogo ni Jahowa, Debata ni Israel marhitehite pangantusion ni jolma manang hapistaran ni portibi on dohot hasomalan; ndang na boi dibatasi di sada inganan (dibatasi tempat); jala ndang boi dibatasi di partingkian (dibatasi waktu). Turpuk jamita on ima sada bagabaga haluaon na disangkapi Jahowa tu bangso i, hata apulapul na laho mangapuli bangso i di tonga sitaonon na dokdok na diadopi bangso i. Angka ulaoan na disangkapi manang na pinatupa ni Jahowa ndada alani pambahenan ni bangso i, alai ala asi ni roha ni Jahowa sambing tu bangso na niasianna, ima Israel. Ndang adong na boi dipangasahon bangso Israel asa malua sian habuangon di babel. Holan mangido asi ni roha ni Jahowa sambing sian toruk ni roha. Marhite panurirangon taringot haluaon na binaritahon panurirang ni Jahowa on lam patar do huaso ni Jahowa. Nang pe talu bangso Israel maralohon bangso Babel, alai tung na so jadi talu Jahowa, Debata ni Israel maralohon debata ni Babel. Na ringkot antusanta na masa tu bangso Israel ima sada bagian sian sangkap haluaon na binahen ni Jahowa tu bangso i. Asa ingot bangso i sian hasalaan na binahen nasida. Hasalaan ala ni na marhaposan tu angka hagogoon sinjata porang manang bangso na gogo na marpardomuan tu panombaon tu debata sileban. Habuangan na masa tu Israel ima sada paruhuman ni Jahowa, alai ndada na mansohot di paruhuman ngolu ni bangso i, alai haluaon na pinatupa ni Jahowa asa sude bangso na di portibi on marnida jala mananda huaso dohot hamuliaon ni Jahowa marhite bangso Israel.

Molo itajaha mula ni turpuk bindu 40 on, tangkas do idaonta parsuruon ni Jahowa tu naposoNa laho mangapuli bangso na niasian ni Jahowa, ima bangso Israel. Laos di ayat 27 on ma panurirang Jesaya paingothon jala mangapuli bangso i, naung mandele marhite na mandok: “Buni do dalanhu maradophon Jahowa”. Hata on ima hata pandelean na haruar sian bangso i. Didok nasida Debata na martabuni hape nasida do namartabuni sian dalan ni Jahowa. Mangido uhum (menuntut hak) bangso i sian Jahowa, jala marganggu ni roha di pangaramotion ni Jahowa. Hata Jakob di ayat 27 on ima martudutudu tu panjouan bangso parpadanan (sian si Jakob) jala Israel martudutudu saluhut marga manang bangso Israel (ndang adong be Israel Selatan (Jehuda) dohot Israel Utara (Efraim)). Bangso Israel (sude marga Israel) bangso na pinarhamaol ni Jahowa. Gok asi ni roha ni Jahowa ma ma bangso i.

Di ayat 28 dipangot naposo manang panurirang ni Jahowa ma muse bangso i taringot Jahowa, Debata ni Israel i. Andorang ayat on nunga dipaandar panurirang ni Jahowa tu bangso i taringot huaso-Na marhite angka na tinompaNa dohot guru tu Ibana do saluhutna. Jahowa, Debata na manongtong, jala ro di saleleng ni lelengna do huaso dohot harajaonNa, jala tung so tardodo do angka sangkap dohot pingkiranNa tarlumobi tu bangso na pinarhamaolna. Jahowa, Debata na so boi diungkur (dibatasi) marhitehite tingki, inganan, dohot pingkiran.

Jahowa, Debata na mangalehon gogo tu na loja, jala dipargogoi situtu angka na so margellok (ay. 29). Ayat on bagabaga taringot pandaonion ni Jahowa tu bangso i. Lapatanna, ndang na marujung di sitaonon na dokdok sejarah parngoluan ni bangso Israel, alai adong pandaonion marhite gogo na imbaru, tu bangso i. Tung ndang adong na boi tarpatupa jolma i molo ndang adong gogo di ibana, halak nampuna gogo ido na boi mangulahon ulaonna. Gogo na dilehon ni Jahowa, ndada gogo na sian portibi on (gogo na sian portibi on ima gogo na olo suda di tingkina) alai gogo na nilehon ni Jahowa ima gogo na sian Ibana (gogo na manongtong jala na so olo suda).

Molo marnida hita di ayat 30 – 31 tangkas do adong haimbaruon na pinatupa ni Jahowa. Molo pangantusion ni jolma molo dolidoli sai dihirim do gogona, alai molo na matua poda do dihirim sian ibana. Alai nuaeng nunga so margogo be dolidoli hinorhon na masa i. Ndang margogo marlapatan tung ndang adong be na boi dipatupa di tonga na masa di bangso Israel uju dihabuangan. Ndang na boi be dipangasahon gogo na adong didirina. Nuaeng Jahowa ma silehon gogo jala Jahowa ma gabe gogo di ngoluna. Ndang gogo na di diri ni jolma i be dipangasahon alai Jahowa ma na boi dipangasahon. Jala halak na marhaposan tu Jahowa maruli hagogoon na mardapotdapot, gabe marhabong lali laho manaek. Marlojongi alai ndang olo loja, mardalani alai ndang olo loja (ay.31). Ise do halak na marhaposan tu Jahowa? Halak na marhaposan tu Jahowa ima halak hibul ngoluna asa mian di panggomgomion ni Jahowa, halak na manghasiholi hata manang patik ni Jahowa, jala halak na mangalehon hibul dirina mangoloi angka na dihalomohon ni Jahowa. Gogo na mardapotdapot ima gogo na so ra suda jala gogo na manongtong. Ayat 31 on ndang na mandok halak na marhaposan tu Jahowa gabe marhabong jala gabe lali dirina. Alai dipatudos do halak na marhaposan tu Jahowa songon lali. Lali ima pidong lali (elang dalam terjemahan LAI: rajawali. Elang dan Rajawali dua burung yang berbeda, tetapi firman TUHAN mengatakan sifat dan karakter kedua burung tersebut) ditanda do pidong na gogo, jala bidang habongna. Bidang ni habongna boi mambahen pidong i habang tung mansai timbo, jala parnidaanna na mansai tajom, jala na mangondihon angka na gale (isarana: anakna), jala ise na ditoru habong i taruli hadameon. Sisongon i ma bagabaga ni Jahowa tu angka na marhaposan tu Jahowa.

SIPAHUSORHUSORON

Boha do nuaeng dirinta mangadopi ragam angka na masa di ngolunta be. Torop do nuaeng halak manjou TUHAN (Jahowa), manang mangalului TUHAN (Jahowa) di ngoluna? Holan Jahowa do Debata na mangatasi sude angka debata di portibi on, jala tung na so margogo do angka na di portibi on maradophon Jahowa, Debatanta marhite Jesus Kristus. Molo songon i do haporseaonta dohot panandaionta tu Jahowa, Debata ni Israel dohot Debatanta marhite Jesus Kristus, boasa sai na marhaposan be hita tu gogota dohot gogo ni portibi manang angka debata na di portibi on? Tutu do na so boi diparsoadahon sipata adong do siatononta na mansai bernit manang hansit. Adong ma i sitaonon alani parhepengon (ekonomi), parsahiton, status sosial (pangkat, hapogoson manang hamoraon, pendidikan, ras, agama), keluarga, dohot hinorhon ni parsirangan ni na itahaholongi. Molo songgop sitaonon na dokdok di ngolunta torop do angka jolma marsoarahon “didia do TUHAN i?” “o TUHAN, didia do Ho?”, jala laos adong do na mandele di haporseaonna di TUHAN i. Halak na mandele ima halak na mangungkur huaso dohot pambahenan ni TUHAN i marhite pingkiranna. Isarana, naeng dipangido gabe na niulana di hauma godang ma gotilonna sian gogo ni haumana i, hape na masa ndang boi manggotil godang songon na dihirimna hian. Pintor didok di rohana, nunga dang didongani TUHAN i be ngolungku. Laos adong muse ma na manadinghon haporseaonna asa taruli ibana hasonangan dohot hasangapon ni portibi on boi marhite hepeng, arta, pangkat, dohot lan na asing.

Marhite turpuk jamita on boi do idaonta hatuaon do na didapot angka jolma na olo marhaposan tu Jahowa. Halak na so olo mandele manang mandate, halak na so  olo loja mangadopi angka sitaonon di portibi on. Tudoshon lali, habang mansai timbo na patuduhon kegagahan dan ketabahan yang kuat mangadopi angka parsorion i. Alai ingot ma hita, halak na marhaposan tu Jahowa ndada halak na so (pasif, atau tidak berbuat apa-apa), alai halak na marhaposan tu Jahowa sai tongtong manghirim angka sangkap ni Jahowa tu bagasan dirina. Halak na paimahon manang manghirim sangkap haluaon na pinatupa ni Jahowa ima halak na mangulahon nasa na denggan di ngoluna di bagasan haundukhonna tu Jahowa. 

Di minggu sexagesima, na marlapatan 60 ari dung ari haheheon manang ari Paskah. Lapatanna mansai ringkot di minggu sexagesima on, ima taringot harajaon ni Jahowa dohot huasoNa na manaluhon saluhut harajaon di banua toru (hamatean, dosa) dohot banua tonga (portibi) marhite Jesus Kristus. Asa marhite i hita dipaingot jala dipaandap taringot harajaon ni Jahowa, harajaon na so ra marujung, harajaon na manongtong. Jala apulapul tu ngolunta na mangadopi ragam sitaonon di portibi on, asa dohot hita gabe panean di harajaon ni Jahowa dung dapot tingkina. Amen.

Acara Minggu:

BE. 14: 1-2 Votum: A.V/A.2-D.V/17

BE. 186: 1 Patik: I dohot lapatanna

BE. 281: 1+6 M. Dosa: B.6-C.6

BE. 183: 1 Epistel: 1 Korint 9: 16-23

BE. 740: 1-2 Evangelium: Jesaya 40: 27-31

BE. 743: 1

BE. 758: 1— 

Jeremia 29 10-14

Bahan Sermon Jamita 31 Desember 2021

Parpunguan Bodari Ujung Taon

(Jeremia 29:10-14)

SANGKAP HASONANGAN NA SIAN DEBATA

Patujolo 

Molo ro pangunjunan, parungkilon na masa di tonga-tonga di parngoluan ni jolma i, tontu songon na tagamon do mandele jolma i molo dang pintor ro pangurupion ni Debata di parungkilan na ni adopan nasida. Gariada molo boi nian, tor salpu ma dibahen Debata angka parungkilon i, ima molo sian pingkiran dohot pangidoan hajolmaonta di portibi on. Songon i ma tong panghilalan ni bangso Israel uju tarbuang nasida tu Babel. Pitupulu (70) taon nasida na tarbuang i, mansai dokdok jala maheu panghilalan ni bangso i manaon angka sitaonon i, jala hombar tu suhat-suhat ni hajolmaon masai leleng do bangso i manghadopi haporsuhon i, pola sampai 70 taon nasida dalam status halak na tarbuang. Alai sasintong na, nang pe dipaloas Debata bangso i tarbuang, sai tongtong do di dongani Debata jala dang hea ditadinghon Debata bangso i mangadopi haporsuhon i. Lapatanna, molo ingkon tarbuang pe bangso Israel i, cara ni Debata do i naeng mambahen gabe jora bangso Israel i asa unang mandatdati nasida mardosa. Alai dang tartaon bango i be haporsuhon i, gabe dipangido bangso i ma pangurupion sian bangso na asing asa boi hatop nasida malua sian habuangan i. Dison ma manurirangi si Jeremia tu bangso na tarbuang i, asa unang mangasahon gogo ni bangso na asing laho malua sian habuangan i, ala Debata sandiri do na manguhum bangso i, jala holan Debata do na boi paluahon bangso i sian habuangan di Babel. Ido na gabe ojahan na pinasat ni Debata marhite turpuk jamita on, baga-baga ni Debata tu bangso Israel, dung 70 taon nasida tartaban di habungan Babel. 

Hatorangan

Sintong do baga-baga ni Debata. Parhata saut jala parhata sintong do Debata. Ndang adong na boi mangambati manang manundati hasasaut ni hata ni Debata. Nunga dilumbahon Debata hian tu bangso i, na ingkon pitupulu taon ma nasida tarbuang. Didok; Jala sandok tano on gabe halonganan, gabe timbunan batu, jala parhatoban ni raja sian Babel angka bangso on pitupulu taon lelengna (Jer 25:11). Debata sandiri do na mambahen bangso Israel i tarbuang tu Babel alani pardosaon nasida, ndada alani hagogon ni harajon Babel i umbahen boi tartaban bangso i tu bagasan habuangan di Babel, alai Debata sandiri do na pasahathon nasida tu tangan ni raja Babel. Alani i, dang adong na boi paluahon nasida sian habuangan i, jala ndang adong na boi mambahen gabe hatop malua bangso i sian habuangan i, isarana asa holan dua taon songon na sinurirangkon ni panurirang pargapgap (Jer 28:2-4). Debata sandiri na marhuaso paluahon nasida, songon na pinasahat ni  Debata marhite panurirang si Jeremia. Jala dung gok pitupulu taon, ro ma Debata laho mangebati bangsoNa, dipasintong Debata ma baga-bagaNa tu bangsoNa i laho mamboan mulak tu inganan na sasintongna (ay.10). Digombarhon Debata do huasoNa na mangatasi saluhut huaso nang harajaon na adong di tano on. Ndada na gumogo harajaon Babel sain Debata umbahen na bolas nasida manaban bangso ni Debata, Alai Debata sandiri do na mangaloas masa na songon i tu bangso na pinilitNa i.    

Sangkap hasonangan do sangkap ni Debata. “Ai nunga tangkas huboto angka na husangkapi taringot tu hamu, ninna Jahowa, sangkap hasonagan do tahe ndada tu hamagoan, asa Ahu mangalehon tu hamu ujung na hinalungunhonmuna”(Ay. 11). Ndang dung disangkapi Debata na roa tu ganup jolma na tinopaNa i, nang pe tangkang jolma i dohot jotjot mangulahon hajahaton di parngoluonna, alai dang dihalomohon Debata asa tu hamagoan jolma i. Ndang dihalomohon Debata hamatean ni angka parjahat, alai mulak ma nian halak parjahat i tumadingkon dalanna asa mulak mangolu muse ibana, ido na dihalomohon Debata. Hape jotjot lam dipatangkang jolma i rohana, alai nang pe songon i tangkang ni jolma i sai marparmuati do Debata, taida ma balga ni holong ni Debata tu hita jolma na porsea. Ndang adong na tuk mangambati sangkap ni Debata. Manang songon dia pe hagogon ni nasa harajaon, haportibion na adong di tano on, jala manang songon di ape hoasi ni angka parhuaso, ndang tuk i mangambati sangkap ni Debata di tonga-tonga ni parngoluan ni jolma. Marhuaso do Debata mamangke nasa ragam ni angka na masa di portibi on laho patulushon sangkapNa. Alani i, molo naung dilehon Debata jaminan sangkap hasonangan na ingkon pasautonNa do i tu hita, tahaposi ma i, unang  pintor mandele jala ganggu rohata tu Debata. Baliksa, marsihohot ma hita tu Debata marhite sian ngolu na marpos ni roha na polin dohot manghirim tu baga-bagaNa i.    

Jou jala lulu i ma Jahowa, Ibana do pasonang ngolum. Marhite uhum na mangonai tu bangso i, dihirim Debata do gabe parsiajaran ma tu bangso i laho manopoti dosana jala mulak tu Debata. Dung ditanda dosana jala dipauba rohana, mulak ma na nasida marsomba tu Debata Songon lirik ni ende ta di BE No. 424: 1-2, “Soara ni Tondi ni Tuhanta i, jotjot dilaosi ditolak hoi. Sai tanda jaemu, pauba roham, dapothon Tuhanmu sisesa dosam. Marunduk ni roha topoti sude, pambaenanmu na torbang, jengkelmu sude. Pasahat tu Jesus sandok dirimi, sai tong pasunggulhon panghophopNa i.” Joujou martangiang ma tu Debata, ido dalan ni halak na mangadopi hamaolon dohot haporsuhon laho mangido pangurupion tu Debata asa dipalua, nada gabe mangido pangupurion tu na asing. Alai, huhut ma ditanda dosana jala dipauba rohana (bertobat) unang mangulahon dosa be, dung i ro ma joujou jala martangiang pasahat dirita tu Debata. Molo nunga jumpang tingkina hombar tu suhatsuhat ni Debata, na rade do Debata pasuanghon ganup halak na mangadopi sitaonon dohot haporsuhon i, sumuang tu hangoluan naung gabe tohapna hian. Unang ganggu rohata jala tapasahat ma sude tu Debata, ala Ibana do na pasuang ngoluta jolma na porsea di portibi on. 

Sipahusor-husoronta

On ma borngin parpudi di hita di bagasan taon 2021 on. Marpungu do hita nuaeng; parjolo naeng mandok mauliate tu Debata ala didongani hita mamolus taon on, jala paduahon mangido pangurupion ma hita sian Debata asa didongani hita bongot tu taon na imbaru. Diparpunguanta di bagasan borngin on disungguli Debata di hita marhite topik ni turpuk jamitata “Sangkap Hasonagan na sian Debata”, asa marposniroha tu Debata jala unang ganggu rohata mamongoti taon na imbaru 2022 na ro on. Atik pe ragam na taadopi hamaolon, haporsuhon nang arsak ni roha di bagasan sataon on, alai holong ni roha ni Debata na so hadodoan i sai dipapatar Debata do tu hita, diramoti do hita sahat di ujung taon on. Mandok mauliate do hita tu Debata, boi hita marpungu di parpunguan borngin on, di bagasan hahipason dohot las ni roha. Alani i, songon pos ni rohata di pangaramotion ni Debata tu hita di bagasan na sataon on, ingkon songon i do pos ni roha di pangaramotion dohot pandonganion ni Debata tu hita laho mandalani taon na imbaru 2022 on, ala sangkap Hasonangan do sangkap ni Debata tu hita. Gabe halak na marsihohot pasahaton diri tu Ibana. Amen.

Ulaoon Ni Apostel 9 1-6

BAHAN SERMON JAMITA TU MINGGU, 24 APRIL 2022

Ulaon Ni Apostel 9: 1-6 “Hamubaon Di Bagasan Jesus”

I. Patujolo

Paulus ima sahalak na so porsea hian tu Jesus Kristus songon Mesias na dibagabagahon Debata di portibion. Andorang so ditangkup Tuhan Jesus si Paulus targoar do ibana si Saulus ima sahalak Jahudi na ditanda marhite hapistaranna jala berpengaruh di Jerusalem hatiha i. Hasurungan ni si Saulus sian halak Jahudi na asing ima mangolu do ibana di adat ugamo hajahudion. Hinorhon ni holong ni rohana tu ugamo Jahudi, gabe adong ma prinsip di si Saulus, manang ise na olo mangolu hombar tu adat hajahudion manang na mangalo ugamo Jahudi, ingkon do pamateon. Fanatisme tu hajahudionna mambahen ibana gabe manghasogohon angka sisean ni Tuhan i. Marsigorgor do sogo ni rohana tu halak siihuthon Kristus. Pola dilele ibana angka na porsea i sahat tu huta Damaskus (Ay. 1). Alani do, gabe adong ma sangkap ni si Saulus laho mangido surat sian sintua ni malim  asa manang ise na jumpangna baoa manang boruboru na mangihuthon Kristus ingkon do bunuonna. Alai baliksa do na masa uju mardalan ibana dompak Damaskus. Jala pardalananna i do manogu ibana gabe mananda hadirionna dohot mananda Kristus i songon Sipalua. Alani tapaihutihut ma proses hamubaon ni si Saulus manjalo Kristus i gabe Sipalua di ibana.

II. Hatorangan 

1) Ndada Sangkap hajolmaon na saut (Paulus) alai sangkap ni Debata do.

Transformasi ngolu ni si Saulus patar do i dung dijalo jala dihaporseai ibana Kristus i Anak ni Debata. Andorang so ditanda ibana dope Kristus songon Anak ni Debata, marragam do cara dibaen ibana laho mangagohon hosa ni halak siihuthon Kristus. Kecintaannya kepada agama Yahudi membuat dirinya untuk menyiksa orang yang ada diluar agama Yahudi. Dipangasahon ibana do hasurunganna i laho mangambati hakristenon. Tung mansai optimis do ibana laho manangkup saluhut angka na porsea di Tuhan Jesus Kristus jala bunuonna. Pola ingkon laho ibana tu Damaskus ima inganan partabunian ni halak siihuthon Kristus hatiha i laho mamunu angka na porsea. Alai, baliksa do na masa uju dipardalanan ibana mandapothon huta Damaskus i. Sangkap laho manangkup angka na porsea i gabe dipangke Debata laho manangkup si Saulus gabe sahalak parbarita Nauli. Diparsitongaan  ni dalan dipapatar Tuhan i ma hadirionNa marhite sondang na sumillam sian langit. Sian on ma haborhaton ni si Saulus mananda Kristus songon Anak ni Debata. Sian ayat 1-3 tangkas ma taida strategi ni si Saulus laho manangkup angka na porsea dipangke Debata laho paubahon ngolu ni si Paulus. Ndang di loas Tuhan Jesus sangkap na roa i. Ndang ditumpahi Tuhan Jesus ngolu fanatisme ni si Saulus i gabe disundati ma ulaon i mahite na ro Jesus manopot jala mamanghulingi ibana marhite sada parnidaan ima sondang na sumillam i. Dalam waktu yang sangat singkat, Paulus lupa dengan apa yang direncanakannya pada awalnya. Ndada be sangkapna na roa i na di rohana, alai sangkap ni Debata do (ay. 6a). 

Sian peristiwa na masa dingolu ni si Saulus mamanghulingi rohanta, molo nungga Debata na marsangkap, ndang adong na boi mangambati. Songon dia pe cara ni si sibolis i laho mangambati hararat ni Barita Nauli, molo nungga marsangkap Debata, pasautonNa do i. Nungga ditangkup Tuhan Jesus be ibana gabe naposoNa i. Alani, saluhut hita na mangolu dibagasan Jesus ima halak na ditangkup Jesus do hita gabe alealeNa. Ibana do na ro manangkup hita asa gabe siihuthon Kristus hita. Sungkun-sungkun na nuaeng rade do hita manjanghon sangkap ni Tuhan i dingolunta marhite na ditangkup hita/diubahkan?

2) Hamubaon ni roha: Mangoloi Hata ni Debata jala Manghatindanghon Ibana

Muba si Saulus gabe si Paulus (sian pangalelei gabe silelean). Parjumpangan si Paulus dohot Tuhan i paubahon rohana laho mananda hasintongan ni Debata. Dipapatar Jesus hadirionNa tu si Paulus marhite sumillam sian langit laho padungohon haporseaon ni si Paulus do taringot tu hadirion ni Tuhan Jesus. Uju ro sumillam i manopot si Saulus, pittor tinggang ma ibana tu tano i jala dibege ibana ma suara  na manjou ibana. Di si dijou Tuhan i ibana, pintor dialusi ibana di suara i marhite hata na mandok, “Ise do Ho, Tuhan?”.  Sian sungkun-sungkun on boi do idaonta, ia si Paulus ndang na so porsea na adong Tuhan i. Alai na so masuk tu rohana ima Jesus Kristus songon Anak ni Debata na mate jala hehe sian hamatean laho manobus jolma sian dosa. Mansai tangkas do taida, bahwa adong do alus ni Tuhan i tu si Paulus laho patandahon hadirionNa ima, “Jesus do Ahu na dileleanmi”.  Diungkap Tondi i do roha ni si Paulus laho mananda Kristus i jala mangjanghon Kristus i. Pangoloion ni si Paulus tu panjouon ni Tuhan i tangkas do taida marhite sungkun-sungkun ni si Paulus di ayat 6 i, songon on, “Dia ma bahenonhu Tuhan, dipangido rohaM? Sian sungkun-sungkun on patuduhon haradeon ni roha si Paulus ditranformasi/ perbaharui oleh Tuhan Yesus. Dioloi ibana do panjouon dohot parsuruan ni Tuhan i, ido umbahen gabe marbarita nauli ma ibana tu angka na porsea dohot na so porsea dope tu Tuhan Jesus i. Hamubaon ni roha ni si Paulus tarida do i sian parngoluanna siganup ari na tongtong mangasahon Kristus i nang pe disituasi na mansai sulit jala berbahaya. Ido umbahen gabe adong panindangion ni si Paulus taringot tu Kristus i, ima na tarsurat Filipi 1:21 “Ai Kristus do hangoluan di ahu, jala laba nang hamatean”. 

III. Panimpuli 

Peristiwa Paulus berjumpa dengan Yesus mengubah totalitas hidup Paulus termasuk iman Paulus kepada Yesus sebagai Tuhan dan Juruselamat dunia. Paulus memberikan dirinya menjadi saksi Kristus setelah mengalami perjumpaan dengan Kristus. Jadi, na sa na pajumpang dohot Tuhan i, marhamubaon ni roha dohot pangalaho. Nuaeng, di bagasan jamita di Minggu on, disosoi do rohanta taringot tu hamubaon di bagasan Jesus i. Hamubaon di bagasan Jesus ima naung pajumpang dohot Tuhan i di bagasan haporseaon na sintong. Haporseaon i do na mangonjar rohanta asa mangolu hombar tu lomo ni roha ni Debata. Diigil do sian hita angka siihuthon Kristus asa olo hita manjanghon hamubaon ni roha di bagasan Jesus i. Dijou do hita mangulahon Hata Na i. Didok di Jak. 1:22 “Gabe siula Hata I ma hamu”. Ndang holan statusta halak Kristen, alai ingkon mangolu do hita di bagasan hata ni Tuhan i. Asa saluhut ngolunta hombar ma tu lomo ni roha ni Debata. Hatandian ni halak naung marhamubaon di bagasan Tuhan, totalitas hidup kita pasti berpengaruh positif tu angka humaliangta. Amen.

ACARA MINGGU

BE. 23: 1+3

Votum A.X/B.1-D.VII/28

BE. 385: 1

Patik V-X

BE. 394: 1-2

Manopoti Dosa B.9-C.5

BE. 758: 3

Epistel Psalmen 37: 34-40

BE. 361: 4-5

M. Haporseaon

BE. 743: 1-2

Jamita Ul. Apostel 9: 1-6

BE. 471: 1—

Pangujungi