Jesaya 55 6-9

Minggu Okuli, 20 Maret 2022

MARHAMUBAON NI ROHA ASA UNANG MAGO

Epistel: Jesaya 55:6-9

Pdt. Henri Simanjuntak, S.Th. M.M. Pandita HKBP Ressort Gunung Para

1. Patujolo

Ndang huboto atik na hea tahilala manang taparrohahon, sasintongna songon jolma na tinompa ni Debata hita, manang na jotjot didok "makhluk social" ndang tarbahen hita mangolu molo holan ala ni dirinta sandiri, taharingkothon do hagogo on sian duru ni hita jolma, jala ta hasiholi do dukungan sian donganta jolma, alani i hombar tu partingkian na binolus ni hita jolma di portibi on boi do "hagogoon" na di haporluhon i gabe di parsoada ala dihilala hira gogo na patauhon dirina, suang songon i do "dukungan" na di hasiholi i gabe di soadahon ala didok rohana ala ni dirina. On do na mambahen gabe agoan gogo jala mambahen ndang tuk be jolma i di angka na pinarsintana di ngoluna, ala ni i do ndang boi jolma i manggabusi diri taringot tu hagogoon dohot dukungan i. (pat. Johannes 15.5c).

Parsaoran na denggan tu Debata dohot tu dongan jolma, i do patauhon jolma i di nasa na sinangkapanna di ngoluna, i do na tangkas disuarahon Panurirang Jesaya tu bangso ni Debata, lumobi ma uju di habuangan nasida, jala tumangkas songon pangaradeon nasida mulak sian habuangan i, suara i di pasahat marhite joujou tu hamubaon ni roha asa unang mago nasida ala ni dosa dohot pangalaosion nasida di hata ni Debata, ala di sangkapi Debata do patupahon Padan salelenglelengna: I ma padan parasian na sintong i tu si Daud na so tupa muba Jesaya 543b)

2. Hatorangan ni Turpuk

Marsaulihon asi roha ni Debata, i do na tuk patauhon bangso ni Debata mangadopi ragam ni angka na masa na niadopan nasida na tongon di habuangan lumobi ma songon pangaradeon nasida mulak sian habuangan i. Marhite asi ni roha ni Debata na manogihon nasida tu hamubaon ni roha, i do patauhon nasida manghilala hasonangan, asal ma olo nasida manangibon hata ni Debata. Panangihonon di hata ni Debata na martudutudu do i olo mian di bagasan hataNa, marhite na gahe siseanNa (pat. Johannes 831). Tumangkas taida ma joujou tu hamubaon ni roha i, i ma na parjolo, di dok Jului hamu ma Jahowa" mangalului Jahowa i ma hataridaan ni na mangharingkothon Debata songon hagogo on, ala ndang adong na boi tarpatupa nasida ia so mardonganhon Jahowa ( 5 Musa 18. 13) Mangalului Jahowa i ma mamangke tingki na adong, i ma tingki parasian na pinarade ni Debata (Jesaya 498 2 Korint 6-2) Na paduahon, "jou hamu ma Jahowa" manjou Jahowa i ma hataridaan ni na denggan parsaoran (komunikasi) dobot Debata (Psalmen 18.7, 116-17), jala marhite parsaoran na denggan i sai jumpa do alus di angka joujou na di bagasan parsitutuon dohot sian nasa roha (Psalmen 91:15, Jeremia 29:13) Manjou Jahowa binsan jonok, martudutudu tu partingkian asi ni roha i, i ma tingki parasian na nilehon Debata, asa tongtong mamangke tingki mangharingkothon asini roha Debata.

Joujou tu hamubaon ni roha i ma songon hataridaan ni asi dohot holong ni Debata, paboa ndang lomo rohaNa mida hamatean ni parjahat i, alai hamubaon asa mangolu (Hesekiel 33:11), i ma marhite na ditadingkon parjahat i dalanna, jala pargeduk sangkapna.

Parjouon ni Debata tu hamubaon ni roha, i ma manogihon bungsoNa aua lam mananda di angka pambahenan ni Debata, asamolo pe andul sianna piningkiran ni jolmajala alo tu roha. i do hadirion ni Debata, at ndang hasigatan angka uhuma. jala na so habogasan do angka dalanNa (Rom 11:33). Ala ni i do asa unang magu jala mate bangso ni Debata marhite pingkiran dohot sangkapsangkapna, i do umbahen dijou ass mulak tu dalan ni Jahowa jala mangihuthon pingkiran Jahowa na timbo i. Marhamubaon ni noha i do patauhon bangso ni

Debata manjalo bagabaga padan parasian salelenglelengna, ala ni i naeng tangkas mangarade nasida di bagasan parsitutuon dohot di bagasan nasa roha.

3. Sipahusorhusoron/panutup.

Hombar tu hata ni Tuhanta marhite turpuk on, tongon tu minggu Okuli, lapatanna "Sai tong do mangaranapi matangku dompak Jahowa" dipaingothon tu hita paboa ingkon Jahowa sambing do na tuk mangalehon lobi sian na tapingkiri, ala ni mulak ma hita tu Jahowa asa dapotan hasonangan tondinta, ala holan Ibana do na tuk paluahon dohot pangoluhon hita. Hombar tu topik minggu "Marhamubaon ni roha asa unang mago" (bertobat supaya tidak binasa), ditogihon hita asa mangambolonghon pingkiran na jahat dohot sangkap sangkap na so suman, alai tumangkas joujou hamubaon i mamboan hita tu hasonangan lobi sian na tapingkiri, ta pareak ma hangoluan jala ta pasiding ma hamagoan.

Antong mian jala hot ma hita di asi ni roha ni Debata naung manjou hita tu hamubaon, asa tau hita mamparangehon parange na tama hombar tu panjouon naung sahat tu hita. Songon huriaNa hita di partingkian na parpudi on, tongtong do dijou hita tu haimbaruon, i ma marhite na olo hita marhamubaon ni roha, di bagasan Tuhan Jesus Kristus, Raja ni huria i. Amen.