Johannes 1 14-18

Bahan Sermon HKBP Sa-Ressort Panai Hilir Minggu, 26 Desember 2021 (Pesta  II Hatutubu Tuhan Jesus)   Johannes 1 : 14 - 18 "Gabe Daging Ma Hata i"

1. Si Johannes Pandidi i ma anak ni si Sakaria na tinubuhon ni Elizabeth na binagabagahon ni Debata marhite si Gabriel. Ditodo Debata do goarna si JP, Johannes marharoroan sian hata Heber “jochanan” lapatanna Debata manghaholongi. Si JP i ma suruan ni Debata na manjamitahon taringot tu hamubahon ni roha jala sahalak nabarani pahothon hasintongan. Si Jp i ma sahalak pengemban amanat penderitaan rakyat. Disoarahon ibana do pola hidup sederhana, ai imbulu ni unto do paheanna, sihapor do sipanganonna, jala situak ni loba do siinumonna. Si JP i ma sahalak tokoh sederhana ndang dipaboaboa kehebatanna, nang pe na hebat ibana, ai Debata Jahowa mangalehon goarna. Di habalgahonna songon suruan ni Debata, Jesus do dipabalga, ndang dirina. Habalgaon ni Jesus na hinatindanghon ni si Johannes Pandidi di turpuk on. 

2. Mansai maol do konsep inkarnasi ni Debata na gabe jolma tarjalo pingkiran ni jolma secara umum, ala dietong do i konsep “na so masuk akal ni jolma”. Alasan na parjolo, ala dihaporseai, Debata na mansai dao jarakna dohot jolma. Boha do parjadina Debata na kekal gabe joma? I do problem ni inkarnasi di angka filsuf nang teolog pe, ndang mampu patorangkon i secara lengkap (sempurna). Antong aha do solusina? Ndang adong solusi na asing, keberadaan ni Debata na gabe jolma boi tahaporseai jala taantusi holan marhite hata ni Debata. Jala hadaulaton ni huaso ni Debata do molo ingkon gabe jolma Ibana. Alani inkarnasi ima bentuk kedaulaton ni Debata sambing. Lapatanna, Debata na berdaulat ima Debata na kekal, na so membatasi diriNa gabe jolma (na terbatas). Molo ndang boi Debata gabe jolma, boi dope dohonon na so terbatas huaso ni Debata? Na membatasi huaso ni Debata do hita molo tadok ndang mungkin Debata boi gabe jolma songon hita.

3. Debata ingkon gabe jolma ? Esensi ni sungkunsungkun i mangondolhon superioritas ni jolma hira na so mardosa. Molo tadok “cukup ma jolma i diajari Debata di taringot hasintongan asa unang mangulahon dosa” (ndang porlu be panobusion dibagasan Jesus Kristus). On ma konsep pingkiran na ro sian pengajaran “tabula rasa” na mandok ndang mardosa dope di tingki tubu jolma. Molo mardosa pe alani pengaruh ni lingkungan do i. Alai adong muse konsep na asing, na mandok “nunga mardosa jolma mulai tubu” (dosa asal). Dosa asal ima na mambahen jolma i gabe hatoban ni dosa. Agustinus mandok ndang boi ndang mardosa jolma i. Namarlapatan, dosa na lohot dibagasan diri ni jolma sian mulai tubu (dosa asal) mambahen jolmai tarihot tu dosa jala diparhatoban dosa i do jolma i mulai sian tubu Rom 7:17-20. Alani do ndang boi malua jolma sian dosa, sai diparhatoban dosa i do jolma, jala si bolis dohot hamatean do gabe jambar ni jolma. Dosa i gabe “tuan” di bagasan diri ni jolma jala na mengendalihon jolma na diparhatoban dosa.

4. Antong boha do jolma i paluahon dirina sian dosana? Boi do marhite pangulahon na denggan angka na mandok “ai boi do angka ulaon na denggan paluahon jolma sian dosa” ima pingkiran na sala hira na boi do jolma pardosa paluahon dirina sian dosana. Alai na gabe sungkunsungkun, boha do ujungna, molo ternyata ndang boi malua jolma sian dosana nang pe diulahon jolma i ulaon na denggan? Tontu ndang olo be jolma i mangulahon na denggan, ala marisuang do angka pambahenan na denggan aleleng di ngoluna. Adong do pingkiran na mandok boi do jolma malua sian dosana marhite ulaon na denggan, ima pingkiran na so boi dipertangungjawabkan. On do kegagalan agama antroposentris na mangondolhon amal baik manang ulaon na denggan boi paluahon jolma sian dosana. Mansai lemah do dalil (pingkiran) na mandok songoni, ala ternyata ndang amal baik paluahon jolma sian dosana, ai mula tubu jolma nunga dibagasan dosa. Antong molo ndang margogo jolma i mangulahon na denggan ala di bagasan dosa dope ibana, boha do mungkin ulaon na denggan boi paluhaon jolma sian dosa? Ndang mungkin i? Molo songon i aha do na ingkon ulahonon ni jolma i asa malua sian dosana? Ndang cukup holan na manopoti dosa hita, alai ingkon adong do panobusion sian dosa, asa malua hita sian dosa. Boasa porlu panobusian ala jolma na mardosa ima na marutang tu Debata 5 Musa21:22. Antong boha ma asa tagarar jolma na mardosa i dosana? Ingkon jolma na so mardosa (ima Debata marhite Jesus Kristus) na boi manobus hita sian dosa nang hamatean. Alani do ingkon gabe jolma Debata (inkarnasi) marhite Jesus Kristus na mate di hau pinarsilang. 

5. Debata do hata i jala gabe daging ma hata ni Debata, na marlapatan Debata do na gabe jolma marhite Jesus Kristus. Hadaulaton ni Debata na melampaui rasio manang pingkiran ni jolma na terbatas, ingkon gabe jolma Debata. Debata na gabe joma dibagasan Jesus Kristus 100 persen Debata jala 100 persen joma ndang masuk akal i ninna jolma alai masuk akal do di Debata, ala na badia jala na marhuaso hot salelenglelengna do Ibana. Jesus Kristus harus bernatur Allah karena hanya Allah yang sangup dan mampu menebus dosa manusia. Alai boha do cara ni Debata manobus jolma sian dosa molo Ibana sandiri ndang gabe jolma (benatur manusia). Ai ndang boi mate Debata, alai jolma boi do mate. Marhite na gabe jolma Debata (dwi natur), gabe boi mate Ibana jala hehe mangolu muse manobus jolma sian dosa. Dison ma tangkas taantusi lapatan Pribadi ni Debata na hot manang kekal (being = ndang mubauba) dohot pribadi ni jolma na so hot (mubauba, sementara = becoming). Holan di bagasan Kristus do i tarida jala terwujud.

6. Marhite na mangantusi inkarnasi ni Debata na gabe jolma, naeng tubu di bagasan rohanta semangat inkarnasi, ima semangat na mangajaorhon tu hita, Debata na gabe jolma, ndang jolma na gabe Debata. Molo jolma do gabe Debata, na marlapatan jolma na ingkon sisombaon dohot sipujion songon Debata (ima na tubu sian ginjang ni roha), Ndang gabe hita sipujion jala sisombaon, alai Debata do. Semangat inkarnasi ima semangat na badia sian Debata, na patubuhon haserepon ni roha, na olo Debata gabe jolma (mengenakan tubu manusia). Inkarnasi patubuhon haserepon ni roha ni Debata. Marhite i ma naeng lam tarida haserepon ni roha di bagasan ngolunta. Tapadao ma pangalaho na paburnangburnang diri tu dongan, pangalaho na sai menonjolkan diri, nang sude pangalaho na patuduhon haginjangagon ni roha. Tapangido ma tu Debata marhite Tondi Parbadia asa dipatupa Debata rohanta nang motivasi di bagasan rohanta be. Bersedia ma ganup hita mengevaluasi dirinta be asa lam serep rohanta.  

7. Haserepon ni roha berkaitan do tu ngolu na olo berkorban. Berkorban mangulahon na denggan nang angka ulaon na hinalomohon ni Debata. Tasulingkit ma rohanta di sude motivasi ni ngolunta, aha do motivasinta molo tahurupi donganta? Asa dapot pujian do hita, manang ala na adong do di hita semangat berkorban tu dongan? Songon Debata na mengorbankan diriNa gabe jolma manobus hita sian dosanta. Molo taula pe angka na denggan, aha do motivasinta dohot tujuanta? Laho mangalului popularitas dohot pujian do sian dongan? Tontu ala na taingot Debata na olo berkorban manobus hita sian dosanta jala ingkon tatiru Ibana di ngolunta. Marhite ngolu na olo berkorban tu dongan di bagasan serep ni roha, mangulahon na hinalomohon ni Debata, disi ma hita patuduhon semangat ber-inkarnasi na gabe jolma Debata. Amen.  

Pendeta HKBP Resort Panai Hilir                Pdt. Paian Manurung, S.Th