Markus 1 16-20

Evangelium Minggu V Dung Epiphanias, 06 Februari 2022

“GABE SIIHUTHON JESUS”

Markus 1: 16 - 20

Oleh: Pdt. M. Tampubolon, S.Th

Adong do ondolan na mansai ringkot(gagasan penting) na patut siparrohahononta di evangelium Markus on. Gagasan penting i ima ‘mamaritahon Barita na Uli’. Pandohan ‘Barita na Uli’ ro sian hata Gorik, “euanggelion,” dibahen i laos boi ma muse dohonon goar ni ondolan na ginoaran i,‘gagasan eunggelion.’  Dipaandar Markus do i di manang pa hali rupani: 

Bindu 1:1 “On ma mula ni Barita na uli ni Jesus Kristus

1:14 “ ….. ro ma Jesus tu Galilea manjamitahon Barita na uli …..”

8:35 “ ….. alai na agoan hosa ala ni Ahu dohJesus ot ala ni Barita na uli …..”

Songon i muse dohot di bindu 10:29; 13:10; 14:9

Sude angka ayat referensi na di ginjang i pataridahon paboa na tung apala gomos do sangkap ni panurat Markus mangondolhon hasasaut ni Barita na Uli tu nasa na tinompa (16:15). 

Pandohan, ‘Barita na Uli’ mangihuthon Markus, ndada holan na laho patoranghon taringot tu sada barita, sada torsa manang sejarah taringot tu Tuhan Jesus: songon sian hatutubu sahat tu hamamate. Ianggo na rumingkot di gagasan euanggelion i ma laho patoranghon,  iaJesus Sipalua i, na mate jala hehe – Ibana dibaritahon di bagasan hadirionNa na sasintongna. Na sasintongna i ima torangharoroNa, torangise Ibana, torang langkana, torang pambahenanNa, jala berwujud nyata Ibana.Wujud nyata i ndang holan patar di diriNa sandiri, di pardalananNa manang di sejarahNa. Na laosmarpangkorhon do wujud nyata ni Jesus, Sipalua i, manorusi sahat tu parngoluon ni jolma. Adong ma i di jolma marsasahalak adong dohot di halak sihatoropan. Didungdung euanggelion i do roha ni jolma jalapatar mangonai pandungdungNa i di angka na olo manjangkon. I do alanagumodang disurathon Markus barita ni Tuhan Jesusmarpardomuan tu na pamalum angka na marsahit, pasuang na martihas dohot lan barita tanda halongangan na marragam i. Godang halak na taruli, dapot las ni roha, hatuaon pe. Ala wujud nyatani pambahenan ni Jesus.

Songon i ma gagasan Barita na Uli na sinosohon ni Markus on dipasahat tu huria asa sange jolma marsaulihonsa. Manang ises na manjangkon olo Barita na Uli i, tudos ma i tu na manjangkon Jesus. Barita na Uli, i do Jesus. Sabalikna pe, Jesus do Barita na uli i. Jesus na ro i boinalnal tarida di pangkilalaan ni jolma holan marhite Barita na uli do i; ai Barita na Uli na tarboan tu jolma, manorusi do I tu ngolu, hatiuron do di roha. Laos I do na mangkorhon panandaon na sintong di Jesus Kristus. 

Boasa boi songon i? I do rahasia Mesianis, sifat Mesianis ni Tuhan Jesus, na burju jala marsitutu paulihon ngolu. Na ro do Jesus paturehon portibi on, patupa haluaon di jolma marhite epifania rahasia, ‘penampakan ilahi –hapapatar ni hadebataonNa.’  Debata do Jesus; ai nang pe ro Ibana di rumang jolma alai hot do di Ibana di rumang ni hadebataonNa i. Alan i i, hatiha binaritahon epifania rahasia, penampakan ilahi i, hapapatar ni hadebataonNa i, laos di tingki na dos tangkas tarida do i manang nyata, ndang holan penampakan sambing be. Tutu situtu do i di angka na porsea.

Aha ma hadomuan ni na tinaringotan di ginjang i tu turpukta on? Asa boi do hita mamereng barita pangoloionni na opat halak– na jinou ni Jesus gabe sisean – sian suhi ni gagasan eunggalion. Sadalan dohot i taida dison paboa gagasan euanggelion dipaihut dohot makna penampakan ilahi songlon na niarbis nangkin.

Dipungka Tuhan Jesus do ulaonNa marhite na mamillit sisean. Andorang so pungu dope sude sisean na sampuludua i, parjolo ma dijou si Simon, Andreas, Jakobus dohot Johannes. Angka sijala dengke do nasida jala sian pardengkean i do nasida dijou. Masa ma pamilliton i tongon di na mardalani Jesus di topi tao Galilea. Parjolo tu dua halakna sa-ama, “Ihuthon hamu Ahu, bahenonHu do hamu sijala jolma” ninna Jesus tu nasida. Mangihut ma muse dijou Jesus dua halak nari jala tong sa-ama nasida. 

Na mambahen longang roha ima, “Pintor ditadingkon nasida (red: Simon, Andreas) ma jala i, laos mangihuthon Ibana.” Songon i nang si Jakobus dohot Johannes, “ ….. gabe ditadingkon nasida ma amanasida ….. laos ro do nasida mangihuthon Ibana.” Ndang adong pandohan manang tanda aha pe pinatuduhon nasida di na mambege joujou ni Jesus tu nasida. Sandok hatop do mardalan longean ni barita manang alur ni barita on. Mamintor do nasida rade mangihuthon Jesus. Molo tajaha ayat paralelna di Mateus 4:18-22 songon I do tong panurathonna, hatop sidung cerita i. Di Lukas 5:1-11 tamba ni informasi dipaboa, jolo disuru Jesus do si Simon sumampakhon jalana, pola dapot dengke mansai godang. Marnida na masa i didok si Simon ma, “Laho ma Ho sian ahu, Tuhan, ai halak pardosa do ahu” ninna. Alai mulak ma muse tu cara sikap ni sisean na opat halak on merespon joujou i, ndang nanggojolo marpanungkun rohanasida. So adong adongrisik ni hata laho manangkasi, manang komen dia pe sian nasida ndang adong.Na adong ima gerka cepat nasidamangoloi joujou i, diihuthon nasida ma Jesus.Asa molo songon i hatopna na opat halak on mangoloi Jesus, nda ala na manorusi do di roha dohot di tondinasida gagasan eunggelion na ro tu nasida di bagasan penampakan ilahi ni Jesus?.Lobi sian i ndang tarantusan hita.Maol do dapot taboto hatorangonna jala ndang adong tarjaha hita tangkas di turpuk on. Holan gurasa ni Barita na Uli na patar di penampakan ni Jesus i do tontu na mambahen songon i hatopna nasida rade mangihuthon Jesus.

Diihuthon nasida Jesus, asa gabe sijala jolma.Rade nasida, so pola mangkirim dibagabaga manang aha pe. Isarana molo gabe sijala jolma asa adong kesempatanmanggulut hundulan manang jabatan manang pangomoan portibi.Ndang marbagabaga manang marjanji Jesus tu nasida. Di pudian nia ari tutu taboto do, sisean ni Jesus na sampuludua I (tarmasuk si-opat halak on – asing ma antong si Judas Iskariot)nasidado dipangke Debata laho manguba portibi on. Fakta sejarah gereja do i. Marmula na huria sian Tuhan Jesus. Salpu i dipasahat ma ulaon pamaritahonon di Barita na Uli tu siean na sampuludua. Torus ma musedipasahat tu huria, angka na porsea. Songon i ma marudut sahat tu sadari on  dohot satorusna tu jolo.    

Nuaeng taida ma, molo adong sian tonga ni jolma dijou Jeuss gabe sieanNa, marlaptan do in paboa nasida dipillit laho manguba portibi on. Asa molo songon I tabereng ma,na soboi tarsuhat do hape hajongjongan ni halak Kristen molo olo parade diri gabe sijala jolma manang sisean. Dohonon ndang tarsuhat, ala i do na talapati nangkin disuru, “mengubah dunia”. Laostasungkun be manuaengdirinta: Nunga tutu hita halak na marpangoloion di parsidohotonlaho “mengubah dunia”? Atik beha do alusta, tarhona manguba portibi on, haru diri sandirindang boi diuba asa tu na dumenggan. Dibahen i tapasiat ma jolo tu rohanta na ginombarhon ni turpuk on. Ndada na gait jala ndang metmet hape status na nilehon, na pinadiri jala na pinahembang ni Debata di halak sijala jolma. Ai nasida do siboan haimbaruon tu portibi on, gabe sira jala panondang ni portibi on, na mangargai ngolu ni jolma, pauliuli jolma dohot mangkaholongi jolma,songon na hinalomohon ni Debata. Angkup ni i, tandi, sumurung, unggul do silehonlehon ni Debata tu na olo gabe sisean. Dipatau do nasida sahat do nasida tu na boi pamalum sahit, pabali sibolis, dapot hapantason marroha, jala sai taruli ala marturasi Tondi ni Debata di nasida (patudos tu Mateus 10). Sian saluhutna i taida ma, tiada bandingnya, mulia dan kerensitutu do hape pribadi ni na targoar sisean manang sijala jolma.

Asa hatimboon do dilehon Tuhan I tu angka tu siihuthon Jesus. Tandi situtu do pasupasuNa dipasahat tu sijala jolma. Hita pe, gabe sosok na sumurung do hita bahenon ni Tuhan imolo olo pasobok diri mangihuthon Jeus songon haradeon ni sisean na opat halak i. Dibahen i tapataridahon ma dirinta gabe jolma na maralus tu penampakan insani na marhaburjuon jala na gok holong dohot tu penampakan ilahi na gok huaso sian Jesus, laho patogu rohanta hot jala lam tang GABE SIIHUTHON JESUS. Amen.